ضمیر
ان دونوں عبارتوں کو غور سے پڑھیے
حامد ایک بہادر نوجوان تھا۔ حامد بڑی ہمت والا تھا۔ حامد نے ایک آدمی کو ڈوبنے سے بچایا۔ حامد کو سرکار نے انعام دیا۔ حامد کا نام ملک کے بہادر لوگوں میں شامل ہو گیا۔
حامد ایک بہادر نوجوان تھا۔ وہ بڑی ہمت والا تھا۔ اس نے ایک آدمی کو ڈوبنے سے بچایا۔ اسے سرکار نے انعام دیا، اس کا نام ملک کے بہادر لوگوں میں شامل ہو گیا۔
پہلی عبارت کے ہر جملے میں حامد آیا ہے۔ عبارت میں لفظ حامد کے بار بار آنے سے بدنمائی پیدا ہوگئی ہے۔ اس کے برعکس دوسری عبارت میں حامد صرف ایک جگہ یعنی پہلے جملے میں آیا ہے۔ باقی جملوں میں حامد کی جگہ وہ، اس، اسے اور اس کا جیسے الفاظ آئے ہیں۔ یہ چاروں لفظ ضمیر ہیں جو اسم یعنی حامد کی جگہ پر لائے گئے ہیں۔
وہ لفظ جو اسم کی جگہ پر استعمال ہوتے ہیں ، ضمیر کہلاتے ہیں۔
ضمیر کے استعمال سے اسم کی تکرار کی وجہ سے پیدا ہونے والی بدنمائی دور ہوتی ہے اور عبارت میں روانی اور خوبصورتی پیدا ہو جاتی ہے۔ یہاں لفظ حامد کے لیے حامد ایک شخص ہے اور وہ ، اس ، اسے اور اس کا یہ چاروں لفظ حامد کے لیے استعمال ہوئے ہیں ۔
وہ ضمیر جو کسی شخص کے لیے استعمال کی جاتی ہے۔ اسے ضمیر شخصی کہتے ہیں۔
اس کی تین صورتیں ہیں
بات کرنے والا اپنے لیے جو ضمیر استعمال کرتا ہے اسے ضمیر متکلم کہتے ہیں۔
جیسے میں ، ہم، میرا، ہمارا، وغیرہ۔
بات کرنے والا سامنے موجود شخص کے لیے جو ضمیر استعمال کرتا ہے۔ اسے ضمیر حاضر کہتے ہیں۔
جیسے تم ، تو ، آپ ۔
بات کرنے والا غیر موجود شخص کے لیے جو ضمیر استعمال کرتا ہے۔ اسے ضمیر غائب کہتے ہیں ۔
جیسے وہ اس، ان، ان کا وغیرہ
. ضمیر شخصی فاعلی حالت میں ہوتی ہے یا مفعولی حالت میں ۔ اس کی وضاحت نیچے دیے ہوئے چارٹ سے ہو جاتی ہے
| مفعولی حالت | فاعلی حالت | ضمیر |
| مجھے | میرا | میں |
| ہمیں | ہمارا | ہم |
| تجھے | تیرا | تو |
| تمھیں | تمھارا | تم |
| اسے | اس کا/ اسکی | وہ |
| انھیں | ان کا | وہ |
سوال اور جواب
سوال 1 ۔ ضمیر کسے کہتے ہیں؟ مثال کے ساتھ وضاحت کیجئے۔
جواب ۔ وہ لفظ جو اسم کی جگہ پر استعمال ہوتے ہیں، ضمیر کہلاتے ہیں۔
مثال ۔ حامد کی جگہ وہ، اس، اسے اور اس کا جیسے الفاظ استعمال کیے گئے ہیں۔
سوال 2 ۔ ضمیر کے استعمال سے عبارت میں کیا فائدہ ہوتا ہے؟ مثال دیجیے۔
جواب ۔ ضمیر کے استعمال سے اسم کی تکرار کی وجہ سے پیدا ہونے والی بدنمائی دور ہو جاتی ہے اور عبارت میں روانی اور خوبصورتی پیدا ہو جاتی ہے۔
مثال ۔ پہلی عبارت میں ہر جملے میں حامد آیا ہے، جبکہ دوسری عبارت میں حامد کی جگہ وہ اور اس جیسے الفاظ استعمال ہوئے ہیں۔
سوال 3 ۔ ضمیر شخصی کی کتنی صورتیں ہیں؟ ہر ایک کی ایک مثال لکھیے۔
جواب ۔ ضمیر شخصی کی تین صورتیں ہیں ۔
ضمیر متکلم جیسے ۔ میں، ہم
ضمیر حاضر جیسے ۔ تم، آپ
ضمیر غائب جیسے ۔ وہ، اس
This post explains NCERT Class 12 Urdu Grammar Chapter 2 (Urdu Qawaid aur Insha) on Pronouns. It defines pronouns as words used in place of nouns to avoid repetition and make sentences smooth. The post covers Personal Pronouns and their three types: First Person (for the speaker, e.g., I, we), Second Person (for the listener, e.g., you), and Third Person (for others, e.g., he, she, and they). It also explains the Subjective and Objective forms of pronouns with examples. Using pronouns improves sentence flow and clarity. The content is written simply and straightforwardly for easy understanding and practical application by students.